डाइनोसरभन्दा आधा घण्टा कान्छो मानिस

मानिस र डाइनोसरका बीचमा मानवीय नाता पर्दैन । तर, जीव विकासका हिसाबले मानिसका दाजु मानिन्छन्, डाइनोसर ! संसार र सांसारिक जगत्को इतिहास विचित्रको छ । मानिसले अहिले आफूनिकटका मानिससँग मात्र नाता जोडेर काम गरिरहेको छ । तर, चराचर जगत्ले मानिसको चित्त र दृष्टिकोण निकै सानो र साँघुरो भएको प्रमाणित गरिरहेको छ ।

हरेक जीवको साइनो मानिससँग र मानिसको साइनो हरेक जीवसँग रहिआएको छ । यस्तोखाले जैविक नाता कोट्याउँदै जाने हो भने मानिसको जेठो दाजु पर्छ, डाइनोसर ! मानव जातिमा डाइनोसरको जस्तो अहङ्कारी र मिचाहा प्रवृत्ति यद्यपि छँदै छ । भलै, मानिसले आफूलाई एक सुसभ्य र सुशील भनेर किन नफलाकोस् !