श्रम सम्बन्ध सुधारको उपयुक्त विकल्प संवाद : उपाध्यक्ष संघई

नेपाल उद्योग वाणिज्य महासंघका उपाध्यक्ष रामचन्द्र संघईले श्रम सम्बन्ध सुधारका लागि सामाजिक संवाद निकै महत्वपूर्ण हुने बताएका छन् । आइतबार यहाँ महासंघ रोजगारदाता परिषद्को बैठक तथा अन्तरक्रिया कार्यक्रममा संघईले श्रमसम्बन्धी कुनै पनि विवादको शान्तिपूर्ण र वार्ताको माध्यमबाट समाधान खोज्नु पर्नेमा जोड दिए । समस्या समाधानको भरपर्दो तथा उपयुक्त विधि संवाद भएको उनले चर्चा गरे ।

महासंघ रोजगार परिषद्को सभापति समेत रहेका संघईले ट्रेड युनियन र सरकारसँग निरन्तर सम्पर्कमा रही बन्द हडतालमा जाने स्थितिको अन्त्य गरिएको बताए । तुलनान्मक रुपमा श्रम विवादको संख्यामा कमी आए पनि श्रम सम्बन्ध भरपर्दाे हुन नसकेको संघईको भनाइ छ ।