नेप्लिज मार्केटिङ एसोसिएसनको अध्यक्षमा स्वाँर

काठमाडौँ — नेप्लिज मार्केटिङ एसोसिएसन (एनएमए) को अध्यक्षमा महेश स्वाँर निर्वाचित भएका छन् । एसोसिएसनको चौथो साधारणसभाले मंगलबार स्वाँरको अध्यक्षतामा नौ सदस्यीय कार्यसमिति चयन गरेको हो । स्वाँर कान्तिपुर मिडिया ग्रुपका प्रमुख कार्यकारी अधिकृत (सीईओ) हुन् ।

कार्यसमिति सदस्यमा पुनम सिंह, डा. गोपाल थापा, अभयप्रसाद गोर्खाली, गोविन्दप्रसाद ढकाल, विजय अमात्य, सुजनराज श्रेष्ठ, श्रीष कर्माचार्य र नीति बस्नेत चयन भएको एसोसिएसनले जनाएको छ । एसोसिएसनको साधारणसभाका अवसरमा सञ्चार तथा सूचना प्रविधिमन्त्री जगदीश खरेलले नवनिर्वाचित कार्यसमितिलाई प्रमाणपत्र वितरण गरे ।