बाटोमा भेटाएको १७ लाख प्रहरीलाई बुझाउँदा...

कास्की - पोखरा महानगरपालिका–८ पृथ्वीचोकमा रहेको माता श्री ज्वेलर्समा कालीगढको काम गर्ने ४३ वर्षीय मनोहर पवर पसलको रु १७ लाख जम्मा गर्न बिहीबार १ः३० बजेतिर बैंक निस्किए ।

मोटरसाइकलको लेगार्डमा कालो रङ्गको झोलाभित्र पैसा राखेर उनी नयाँ बजारस्थित कृषि विकास बैंक गए । बैंकमा पुगेर हेर्दा पैसा भएको झोला मोटरसाइकलमा थिएन । पैसाको झोला बाटोमा खसेको मनोहरले पत्तो पाए । वरपर खोज्दा झोला फेला नपरेपछि उनी ठूलो तनावमा परे । यसबारेमा प्रहरीलाई खबर पुग्यो ।