टी-२० आई क्रिकेटबाट बिदा लिने विराट कोहलीको घोषणा

भारतीय टिमका पूर्वकप्तान विराट कोहलीले टी–२० अन्तर्राष्ट्रिय क्रिकेटबाट बिदा लिएको घोषणा गरेका छन् । शनिबार भारतले विश्वकप उपाधि जितेलगत्तै उनले टी–२० आई क्रिकेटबाट बिदा लिएको घोषणा गरेका हुन् ।

विराटले टी–२० आईमा कुल १२५ म्याच खेले, जसमा उनले ४ हजार १८८ रन बनाए । त्यसक्रममा कोहलीले ३८ अर्धशतक र एक शतक हिर्काए । उनले फाइनलमा ७६ रनको उत्कृष्ट पारी खेले । कोहली ‘प्लेयर अफ द म्याच’ घोषित भए ।