नाति पुस्तासँग रिपोर्टिङमा दौडिरहेका पत्रकार

काम गर्ने जोस र इच्छाशक्ति हुनेलाई उमेरले छेक्दैन। ‘बुढ्यौली लाग्यो भन्ने त अल्छी गर्नेहरुको बहाना मात्र हो,’ भद्रपुर नगरपालिका–६ भानुनगरका ८० वर्षीय गोविन्दचन्द छेत्रीलाई सक्रिय पत्रकारिता गर्न उमेर बाधक भएको छैन।

मोटरसाइकल हाँकेर झापाको उत्तरी भेग बाहुनडाँगीदेखि दक्षिणको गौरीगञ्जसम्म कलम, कापी र मोबाइल बोकेर फिल्ड रिपोर्टिङमा हिँड्ने छेत्री भन्छन्, ‘एक दिन फिल्ड नगई घरमा बस्नुपर्‍यो भने दिक्क लाग्छ। स्थलगत रिपोर्टिङमा गएपछि नयाँ समाचार भेटिन्छ। नयाँ मानिस र परिवेशसँग घुलमिल भइन्छ। त्यसमै आनन्द लाग्छ।’