श्रीलङ्कामाथि पाकिस्तानको विजयी ५ विकेटको जित

काठमाडौँ । एसिया कपको सुपर फोर चरणमा पाकिस्तानले श्रीलङ्कामाथि ५ विकेटको जित दर्ता गरेको छ । १८ ओभरमै १३८ रनको लक्ष्य भेट्दै पाकिस्तान विजयी भएको हो ।

पहिले ब्याटिङ गरेको श्रीलङ्काले २० ओभरमा ८ विकेट गुमाउँदै १३३ रन मात्र बनाउन सक्यो । श्रीलङ्काका लागि कामिन्दु मेन्डिसले सर्वाधिक ५० रनको योगदान दिए । उनले ४४ बलमा पाँच चौका प्रहार गरेका थिए । उनी बाहेक अन्य ब्याटरले उल्लेखनीय प्रदर्शन गर्न नसक्दा श्रीलङ्काको इनिङ कमजोर बन्यो । पाकिस्तानका बलर शाहिन शाह अफ्रिदीले उत्कृष्ट बलिङ गर्दै ३ विकेट लिए ।