कर्णालीको धार्मिक पर्यटकीय विकासमा ध्यान दिनुपर्छ: मुख्यमन्त्री कँडेल

कर्णाली । कर्णाली प्रदेश सरकारका मुख्यमन्त्री यामलाल कँडेलले कर्णालीको धार्मिक पर्यटकीय विकासमा इसाई धर्मावलम्बीहरूको ध्यान जानुपर्ने बताएका छन् ।

इसाई समाज सुर्खेतद्वारा आज वीरेन्द्रनगरमा ‘मुक्तिदाता यशुख्रिष्टको शुभ जन्मोत्सव तथा नयाँ वर्ष २०२६’ का अवसरमा आयोजित शुभकामना आदानप्रदान कार्यक्रमलाई सम्बोधन गर्दै मुख्यमन्त्री कँडेलले धार्मिक पर्यटकीय विकासबाट कर्णालीको आर्थिक समृद्धिमा टेवा पुग्ने बताए । उनले इसाईलगायत धर्म, संस्कृति, भाषा, पहिचान र मूल्य–मान्यताबिचको सहअस्तित्वले नेपाली समाजलाई अझ सुदृढ बनाएको उल्लेख गरे ।