दाँत कीराले किन खान्छ, उपचार के हो? (भिडिओ)

हामीले खाएको कुनै पनि खानेकुरा दाँतमा गएर अड्किन्छ। नेपालमा अहिले पनि बिहान-बेलुका दाँत माझ्ने गरिँदैन। दाँतमा टाँसिने खाना असाध्यै धेरै हुन्छ। त्यसले गर्दा दाँतमा गएर खानेकुरा बस्छ। मुखमा सानो-सानो ब्याक्टेरिया (माइक्रो ब्याक्टेरिया) हुन्छ। त्यो ब्याक्टेरियाले खाएको खाने कुरालाई एसिड बनाउँछ। त्यो एसिडले दाँतलाई खियाउने प्रक्रिया सुरू गर्छ। यसलाई नै हामी दाँतलाई कीराले खाएको भन्छौं।

दाँत कीराले खाने पनि विभिन्न चरण हुन्छन्। दाँतको तीन वटा पत्र हुन्छ। बाहिरी पत्र इनामेल, दोस्रो पत्र डेन्टिङ र तेस्रो पत्रलाई पल्प भन्छौं। दाँतको रक्त सञ्चार हुने डेन्टल पल्पमा हो।