प्रदेशले अपनत्व लिन नपाएको राष्ट्रिय खेलकुद

२६ असोज, काठमाडौं । गण्डकी प्रदेशको पोखरामा असोज २८ गते उद्घाटन हुने बृहत नवौं राष्ट्रिय खेलकुदका केहि प्रतियोगिता सुरु भइसकेका छन् । दशैं सकिएलगत्तै राष्ट्रिय खेलकुद परिषद (राखेप) नवौं खेलकुदको अन्तिम तयारीमा जुटिरहेको छ ।

देशभरका खेलाडीबीच ३६ नियमित र २ प्रदर्शनी खेलका इभेन्टमा प्रतिस्पर्धा हुने यो प्रतियोगिता घरेलु खेलकुदको महामेला हो । सम्बन्धित प्रदेश संरचनाले छनोट गरेका करिब सात हजार खेलाडीहरु गण्डकीमा भेला हुँदैछन् । राष्ट्रिय खेलकुदलाई अन्तर्राष्ट्रिय टिम छनोटको मुख्य आधारसमेत मानिन्छ ।