कुलमान विरुद्ध उद्योगीको काउन्टर,५९ वटा उद्योगले आफैं  काटे बिजुली

काठमाडाैं- कुलमानले पुन उद्योगीहरुको विजुली काट्न थालेपछि आज आइतबार ५९ भन्दा बढी उद्योगीले आफै बिजुली काटेका छन् । डेडिकेटेड विवाद चरमोत्कर्षमा पुगिरहेको बेला ५९ वटा उद्योगले आफैं बिजुली काटेका छन् ।

नेपाल विद्युत प्राधिकरणले असार २५ र २६ गतेका दिन विद्युतको बक्यौता तालिका समयमा नबुझाएको भन्दै विभिन्न उद्योगको बिजुली काटिदिएपछि उद्योगीहरु रुष्ट थिए । प्रधानमन्त्रीमा केपी शर्मा ओली नियुक्त भएकै दिन ५८ उद्योगीलेहरुले प्राधिकरणका कार्यकारी निर्देशक कुलमान घिसिङविरुद्ध मोर्चाबन्दि गर्दै आफैले लाइन काटेका हुन् । उनीहरूले हालको विवाद समाधान हुने बाटोमा नगएसम्म कुनै पनि उद्योगले प्राधिकरणबाट बिजुली आपूर्ति नलिने पनि बताएका छन् । पीडित तथा प्रताडित उद्योगी समूहले प्रेस विज्ञप्ति जारी गर्दै आइतबारबाट उद्योगमा आफै बिजुली आपूर्ति बन्द गर्ने निर्णय गरेको बताएको छ ।