आवधिक निर्वाचन र कर्मशील शीर्ष नेता

सम्बन्धित क्षेत्र वा विषयवस्तुका ज्ञाता एवं विज्ञकै रूपमा चर्चित बनेका व्यक्तिमध्ये पनि उच्चतम एवं अग्रक्रममा पर्ने व्यक्तिलाई शीर्षस्थ व्यक्ति भनिन्छ । हरेक विषयवस्तुका वा क्षेत्र सम्बन्धित व्यक्ति शीर्षस्थ हुन सक्छन् । जस्तो शीर्षस्थ विद्वान्, शीर्षस्थ समाजसेवी, शीर्षस्थ लेखक, शीर्षस्थ कलाकार तथा शीर्षस्थ नेता आदि । शीर्षस्थता विषयवस्तुको ज्ञान र जनविश्वासको प्रभावमा आधारित रहने विशेषण हो । तर, समाजका अन्य विषयवस्तु सम्बद्ध व्यक्तित्व हालसम्म शीर्षस्थका रूपमा परिचित हुन सकेका छैनन् । तथापि, राजनीतिक क्षेत्रका भने दलगत केही अलग–अलगै शीर्षस्थ नेताका रूपमा चिनिएका व्यक्ति छन् ।

शीर्षस्थताको क्षेत्र पनि असीमित एवं व्यापक हुन्छ । सम्बन्धित विषयमा ख्याति प्राप्त गरेका प्रभावशाली र कदरयोग्य सर्वोत्कृष्ट व्यक्तिलाई मात्र शीर्षस्थको विशेषण प्रदान गरिने भएकाले यस्ता व्यक्ति राष्ट्रकै गौरवशाली व्यक्तित्व ठानिन्छन् । उनीहरू सर्वमान्य हुन्छन् । यस्ता व्यक्तिको शीर्षस्थता सम्बन्धित क्षेत्र र समूह विशेषसँग मात्र सम्बन्धित हुँदैन किनकि शीर्षस्थता आफैंमा सर्वव्यापी महŒवको हुन्छ । यस आलेखमा हाल राजनीतिक क्षेत्रमा शीर्षस्थ भनी परिचित हुँदै आएका केही व्यक्ति सम्बद्ध शीर्षस्थताका ’boutमा चर्चा गरिएको छ । बिपि कोइराला र गणेशमान सिंहपछि मुलुकको राजनीतिक क्षेत्रमा अन्य कोही शीर्षस्थ व्यक्ति देखापरेका छैनन् ।