दोधारा चाँदनी र भीमदत्त नगरपालिका जोड्ने महाकालीको झोलुंगे पुल भाँचियो

काठमाडौँ- कञ्चनपुरको दोधारा चाँदनी नगरपालिका–४ मा महाकाली नदीमाथिको झोलुङ्गे पुल भाँचिएपछि आवतजावत अवरुद्ध भएको छ।

दोधारा चाँदनी नगरपालिका र भीमदत्त नगरपालिका जोड्ने पुलको दोधारातर्फको करिब ५–६ मिटर भाग माथि उठेपछि आवतजावतमा समस्या भएको थियो। त्यसपछि पुलको पिल्लरसमेत भत्किएर पुल भाँचिएको जिल्ला प्रहरी कार्यालय कञ्चनपुरले जनाएको छ।