बुधबारदेखि आठौँ पर्वत महोत्सव

पर्वत। गण्डकी प्रदेशको आर्थिक विकास र पर्यटन प्रवर्द्धन गर्ने उद्देश्यले कुश्मामा आज (बुधबार) देखि आठौँ पर्वत महोत्सव सुरु हुने भएको छ । यही पुस १९ गतेसम्म सञ्चालन हुने महोत्सवको सम्पूर्ण तयारी पूरा भएको मूल संयोजक ठाकुर वि पौडेलले जानकारी दिए ।

महोत्सव सुरु हुनुअघि बिहान ११ः०० बजेदेखि शान्ति र सद्भाव र्‍याली प्रदर्शन गरिनेछ । सदरमुकाम कुश्माबजारको लोकतान्त्रिक चोकबाट सुरु हुने र्‍याली पुरानो चौकी, शिवालय चोक, प्रगति चोक हुँदै महोत्सवस्थल बडागाउँ चौरमा पुगेर सभामा परिणत हुनेछ ।