चार स्वास्थ्य संस्थाको भवन ३ वर्षदेखि अलपत्र

स्याङ्जा । नागरिकलाई सुविधा सम्पन्न भवनबाट स्वास्थ्य सेवा दिने लक्ष्यअनुसार सरकारले निर्माण गर्न लागेका चार स्वास्थ्य संस्था ३ वर्षदेखि अलपत्र अवस्थामा रहेका छन् ।

स्याङ्जामा ३ र पर्वतमा १ गरी एकै समयमा टेन्डर आह्वान गरी निर्माण प्रक्रियामा गएका स्वास्थ्य संस्थाको भवन अलपत्र अवस्थामा पुगेका हुन् । २०७७ सालमा ठेक्का आह्वान गरी २०७९ सालमा सम्पन्न हुनुपर्ने थियो । तर, ठेकेदारको लापरबाहीका कारण ४ स्वास्थ्य संस्थाका भवन बीच बाटोमै अलपत्र अवस्थामा पुगेका छन् ।