हिउँदे फलफूलका कलमी बिरुवाका लागि एक लाख जडाकाण्ड उत्पादन

जलवायु परिवर्तनको असरले सतबाँझमा हिउँ पर्न छाडेपछि स्याउ फल्न छाडेको छ । त्यसको विकल्पमा अहिले यहाँ हिउँदे फलफूलका बिरुवा उत्पादन गर्न थालिएको छ । सतबाँझ सुक्खा फलफूल विकास केन्द्रले मङ्गलबार हिउँदे फलफूलका कलमी बिरुवा उत्पादनका लागि एक लाख जडाकाण्डको बीउ रोपेको छ ।

पछिल्ला वर्षमा यहाँ हिउँ पर्न छाडेपछि पर्याप्त चिस्यान नपुग्दा स्याउका बोट सुक्न थालेका छन् । त्यसको विकल्पमा केन्द्रले नयाँ पहल गर्दै ओखर, कागजी बदाम, किवी, नास्पाती, खुर्पानीलगायत हिउँदे फलफूलका बिरुवा उत्पादन गर्दै आएको प्राविधिक अर्जुन खड्काले बताउनुभयो ।