कोशी प्रदेशका चार जिल्लामा असोज १७ र १८ गते १६ घण्टा विद्युत आपूर्ति बन्द हुने

प्रशारण लाइनमा गर्नुपर्ने प्राविधिक कामका कारण साविक मेचीका चार जिल्ला दुई दिन १६ घण्टा विद्युत सेवाबाट बञ्चित हुने भएका छन् । दुहबी-दमक १३२ केभी प्रसारण लाइनमा ‘लूप इन लूप आउट’ (एलआईएलओ) कार्य गरिने भएसँगै कोशी प्रदेशका झापा, इलाम, पाँचथर र ताप्लेजुङ १७ र १८ दैनिक आठ / आठ घण्टा विद्युत् आपूर्ति बन्द हुने भएको हो । नेपाल विद्युत् प्राधिकरणले प्रसारण प्रणालीमा महत्वपूर्ण प्राविधिक काम हुने जनाएको छ ।

प्राधिकरणको केरौन १३२/३३ केभी सबस्टेशन आयोजनाले उक्त प्राविधिक कामका लागि प्रसारण लाइन बन्द गर्नुपर्ने अवस्था आएको प्राधिकरणले जनाएको छ । प्राधिकरणकाअनुसार पहिलो दिन २०८३ असोज १७ गते शनिबार बिहान ४ बजेदेखि दिउँसो १२ बजेसम्म र दोस्रो दिन असोज १८ गते आइतबार पनि सोही समयमा विद्युत अवरुद्ध हुने जनाएको छ । बिहानको समयमा विद्युत आपूर्ति अवरुद्ध हुँदा उद्योग, व्यापार, व्यवसाय, कार्यालय तथा उपभोक्ताको दैनिकी पूर्ण प्रभावित हुनेछ ।