धर्म र समुदायका नाममा समाज विभाजन गर्ने प्रयास स्वीकार्य छैन : अहबर अन्सारी

राष्ट्रिय स्वतन्त्र पार्टी (रास्वपा) का सांसद अहबर अन्सारीले धर्म, जात र समुदायका नाममा समाजलाई विभाजन गर्ने कुनै पनि प्रयास स्वीकार्य नहुने बताएका छन्। बिहीबार प्रतिनिधिसभाको बैठकमा बोल्दै उनले नेपाल ऐतिहासिक रूपमा धार्मिक सहिष्णुता, सामाजिक सद्भाव र विविधताको सम्मान गर्ने देश भएकाले धार्मिक वा जातीय द्वेष फैलाउने गतिविधिप्रति राज्य गम्भीर बन्नुपर्ने बताए।

सांसद अन्सारीले नेपालमा हिन्दु, मुस्लिम, बौद्ध, क्रिश्चियनलगायत विभिन्न धर्म र समुदायका नागरिक आपसी सद्भावका साथ बस्दै आएको उल्लेख गर्दै धार्मिक नाराको दुरुपयोग गरेर एक समुदायलाई अर्को समुदायविरुद्ध उक्साउने गतिविधि तत्काल रोक्न सरकारसँग आग्रह गरे।