ठमेलको स्क्याम सेन्टरसँग कम्बोडिया ‘कनेक्सन’

काठमाडौँ । कम्बोडियाको झैँ ‘स्क्यामिङ सेन्टर’ चलाउने तयारी गरिरहेका १५ जना बंगलादेशी नागरिक जेठ १५ मा पक्राउ परे । उपत्यका अपराध अनुसन्धान कार्यालयबाट खटिएको प्रहरीले उनीहरूलाई पक्राउ गरेर प्रारम्भिक अनुसन्धानपछि अध्यागमन विभागको जिम्मा लगाएको थियो ।

उनीहरूले विद्युतीय माध्यमबाट बंगलादेशी र भारतीय मोडलहरूको फोटो सहितको लिङ्क ग्राहकलाई पठाउँथे । लिङ्कमा क्लिक गरेपछि व्यक्तिहरूको बैंक खातामा पहुँच बनाउने प्रयास गर्ने गरेका थिए । खातामा पहुँच बनाउन आरोपीहरूले ‘फिसिङ’ गरेर ओटीपी कोड माग्ने गरेका उपत्यका अपराध अनुसन्धान कार्यालयका एसएसपी सन्तोष खड्काले बताए । त्यसपछि उनीहरूले खातामा पहुँच बनाएर रकम चोरी गर्ने अनि व्यक्तिहरूसँग सम्पर्कविहीन हुने गरेको अनुसन्धानबाट खुलेको छ ।