हेटौंडामा निःशुल्क खानेपानी
annapurnapost.com · Tue Aug 23 00:27:00 GMT 2022
हेटौंडा : हेटौंडा उपमहानगरपालिकाले नगरवासीलाई दश हजार लिटर खानेपानी निःशुल्क उपलब्ध गराउन थालेको छ। हेटौंडा खानेपानी व्यवस्थापन बोर्डमार्फत खानेपानी उपयोग गर्दै आएका नगरबासीले दश हजार लिटरसम्मको न्यूनतम शुल्क तिर्नु नपर्ने भएको हो। भदौ महिनाबाट प्रत्येक धाराको न्यूनतम शुल्क ८५ रुपैयाँ उपमहानगरपालिकाले बोर्डलाई उपलब्ध गराउन थालेको हो।
यसको लागि उपमहानगरपालिका र बोर्डबीच सम्झौता भएको छ। सम्झौताअनुसार प्रत्येक महिनाको पहिलो साता न्यूनतम शुल्क बोर्डलाई उपमहानगरपालिकाले दिनेछ। यो सम्झौताबाट बोर्डमा आबद्ध २३ हजार पाँचसय परिवार, विद्यालय तथा संघ संस्था लाभान्वित हुनेछन्। नगरवासीलाई दश हजार लिटर खानेपानी निःशुल्क उपलब्ध गराउने यो मुलुककै पहिलो उपमहानगरपालिका हो।
स्रोतमा पूरा पढ्नुहोस् (annapurnapost.com)