‘धितोपत्र दलाल व्यवसाय सुदृढीकरण नीति’ जारी: ब्रोकर कम्पनी चार श्रेणीमा वर्गीकरण

काठमाडौँ – नेपाल धितोपत्र बोर्डले देशको पुँजी बजारलाई आधुनिक, प्रतिस्पर्धी, पारदर्शी र अन्तर्राष्ट्रिय मापदण्ड अनुकूल बनाउने उद्देश्यका साथ ‘धितोपत्र दलाल व्यवसाय सुदृढीकरण नीति, २०८३’ जारी गरेको छ।

बोर्डका अनुसार हालको व्यक्ति-केन्द्रित र सीमित सेवामा आधारित धितोपत्र दलाल व्यवसायलाई पर्याप्त पुँजी, सबल जोखिम व्यवस्थापन, व्यावसायिक सुशासन र आधुनिक प्रविधियुक्त बजार मध्यस्थकर्ताका रूपमा रूपान्तरण गर्न यो नीति ल्याइएको हो।