कानुन समितिमा बाँस्कोटा र कर्णबिच चर्काचर्की, एमाले सांसद बैठक छोडेर हिँडिन्

प्रतिनिधिसभाको कानुन, न्याय तथा मानव अधिकार समितिको बैठकमा बुधबार सभापति समीक्षा बाँस्कोटा र नेपाली कांग्रेसकी सांसद निनु कुमारी कर्णबीच चर्काचर्की भएको छ।

बैठकमा बोल्ने समय र समितिको सञ्चालनको विषयलाई लिएर विवाद भएको हो। बैठकका क्रममा सांसद कर्णले सभापतिले आफूलाई बोल्ने समय नदिएको भन्दै आपत्ति जनाएकी थिइन्। उनले सभापतिले बैठक सञ्चालन गर्ने तरिकामाथि प्रश्न उठाउँदै छलफलका क्रममा आफ्नो नाम लिएर टिप्पणी नगर्न आग्रह गरिन्।