मुख्य सामग्रीमा जानुहोस्

समाचार

अर्थ

अर्थमन्त्रीको अनर्थ कार्य

annapurnapost.com · Tue Jun 14 00:53:00 GMT 2022

देशको अर्थतन्त्र संकटोन्मुख छ। ओरालै ओरालो लागेका सूचकांक केलाउँदा टाटै पल्टने हो कि भन्ने भय व्याप्त छ। विदेशी मुद्राको सञ्चिति घटेको घट्यै छ। वैदेशिक ऋणको भार थपिएको थपियै छ। आन्तरिक आम्दानी बढ्ने स्रोतहरू झन् खुम्चिँदै गएका छन्। केही न केही धानेको रेमिट्यान्सको आकार सानो हुँदै गएको छ। मुलुकमा लगानी थपिएको छैन। उद्योग धन्दा र कलकारखाना फस्टाएका छैनन्। बरु बन्द हुँदै गएका छन्। यस्तो अवस्थामा अर्थतन्त्रलाई इमानदारपूर्वक गति दिने संवेदनशील जिम्मेवारी अर्थमन्त्रीको हो।

तर, आगामी आर्थिक वर्षका लागि बजेट ल्याउँदा जे–जस्ता सेटिङजन्य कार्य भए, त्यसले अर्थमन्त्री जनार्दन शर्मा देशको अर्थतन्त्रभन्दा ‘अन्यत्रै’ गम्भीर भएको देखियो। अझ बजेट तयारीको अन्तिम अवस्थामा अनधिकृत व्यक्तिलाई पहुँच दिलाएर ठूलै त्रुटि गरेका छन् उनले। बजेटको सबैभन्दा गोप्य र संवेदनशील पक्ष राजस्वको दर हेराफेरी गर्ने जिम्मेवारी पूरा गर्न अर्थ मन्त्रालयबाटै सेवा छाडेका पूर्वनायब सुुब्बा रघुनाथ घिमिरे र अर्का अज्ञात ‘चार्टर्ड एकाउन्टेन्ट’ राजस्व चलखेलमा ‘खेताला’ बनाइए। जुन कार्यले अर्थका वरिष्ठतम् अधिकारीहरूको मानमर्दन मात्र गरेन, बजेटको विश्वनसनीयतामा प्रश्नसमेत उभ्यायो।

स्रोतमा पूरा पढ्नुहोस् (annapurnapost.com)