गुल्मीमा योजनाको गुणस्तर कायम गर्न उपभोक्ता समितिलाई तालिम

गुल्मी- गुल्मी जिल्लामा खानेपानी उपभोक्त समितिलाई पहिलोपटक तालिम प्रदान गरिएको छ । खानेपानी आयोजनाको मुहान तथा संरचनाहरुलाई संरक्षण गरौं, आयोजनालाई दिगो बनाऔं भन्ने नाराका साथ खानेपानी तथा सरसफाई डिभिजन कार्यालय गुल्मीले योजनाको गुणस्तर कायम गर्नका लागि तालिम प्रदान गरेको हो ।

जिल्लाभर रहेका १ सय ३५ खानेपानीका उपभोक्ता समितिलाई तालिम प्रदान गरिएको खानेपानी तथा सरसफाई डिभिजन कार्यालय गुल्मीका प्रमुख अनुज उपाध्याले बताउनुभयो । जिल्लाभर यस आर्थिक वर्षमा १ सय ७१ वटा खानेपानी आयोजनाहरु समावेश हुँदैछन् ।