असोज २० देखि रास्वपाको पालिका अभियान, ७५३ वटै पालिका पुग्दै सांसद

काठमाडौं । राष्ट्रिय स्वतन्त्र पार्टी (रास्वपा) ले आगामी स्थानीय तह निर्वाचनलाई लक्षित गर्दै असोज २० गतेदेखि देशभरका ७५३ वटै पालिकामा ‘पालिका अभियान’ सञ्चालन गर्ने भएको छ। संघीय संसद्को चालु अधिवेशन अन्त्य भएपछि रास्वपाका प्रतिनिधिसभा सदस्य तथा केन्द्रीय सदस्यहरू ७७ जिल्लाका पालिकामा पुग्ने पार्टीले जनाएको छ।

रास्वपाका अनुसार अभियानको उद्देश्य नागरिकका कुरा सुन्ने, स्थानीय तहको अवस्था बुझ्ने तथा पार्टीका योजना र आगामी कार्यक्रमबारे जानकारी गराउने हो। साथै, सरकार गठन भएको ६ महिनामा भएका काम र आगामी योजनाबारे समेत नागरिकलाई जानकारी गराइने पार्टीले जनाएको छ।