मिटरब्याजपीडितको क्रन्दन

नेपालमा हुनेले नहुनेलाई ऋण दिने पुरानो प्रचलनले आपसी सद्भाव बढ्नुका साथै आर्थिक, सामाजिक सन्तुलन कायम रहँदै आएको छ ।

तर केही वर्षदेखि तराई क्षेत्रको मिटरब्याज प्रकरण सार्वजनिक हुन थालेपछि सरोकारवालाबीच कोलाहल मच्चिनुका साथै देशभर यस सम्बन्धी चासो बढेको छ । मिटरब्याजपीडितको दुःखदर्दबाट काठमाडौं पनि हल्लिएको छ । मधेशबाट पदलै हिँडेर डेढ हप्तामा काठमाडौं आइपुगेका पीडितको समस्या तत्काल सम्बोधन हुने छाँटकाँट देखिँदैन ।