महिला हिंसाका ३१० उजुरी

काठमाडौँ, वैशाख ८ गते । राष्ट्रिय महिला आयोगमा पाँच महिनामा घरेलु, शारीरिक, मानसिक र आर्थिक हिंसाका ३१० वटा उजुरी परेका छन् । आयोगले बिहीबार राजधानीमा आयोजना गरेको कार्यक्रममा आयोगका अध्यक्ष कमलाकुमारी पराजुलीले मङ्सिर महिनादेखि चैत ३० सम्मको अवधिमा यस्ता हिंसाका उजुरी परेको बताउनुभयो ।

उहाँले निर्वाचनलगायतका गतिविधिको अनुगमन, आयोगको वार्षिक कार्यक्रम कार्यान्वयनका क्रममा नौ जिल्लामा पुगेर महिला हिंसा र विभिन्न सामाजिक प्रथाका विषयमा स्थानीय जनप्रतिनिधिसँग अन्तक्र्रिया गरेको जानकारी दिनुभयो । अध्यक्ष पराजुलीले आयोगको आफ्नै भवन नहुँदा हिंसामा परेका महिलालाई केही दिन आश्रय दिनसमेत गैरसरकारी संस्थासँग सहकार्य गर्नुपर्ने अवस्था रहेको उल्लेख गर्नुभयो ।