नागरिक प्रहरी सहकार्य बलियो बनाउन ‘हाम्रो प्रहरी’ कार्यक्रम

काठमाडौँ । नागरिक र प्रहरीबिचको सम्बन्धलाई थप बलियो बनाउन ‘हाम्रो प्रहरी’ कार्यक्रम सुरु गरिएको छ । जिल्ला प्रहरी परिसर काठमाडौँले समुदाय र नागरिकबिचको सम्बन्ध र सहकार्यलाई बलियो बनाउन मंगलबारदेखि उक्त कार्यक्रम सुरु गरेको हो ।

परिसरका प्रमुख, प्रहरी वरिष्ठ उपरीक्षक (एसएसपी) रमेश थापाले नागरिक र प्रहरीबिचको सम्बन्धलाई मजबुत बनाई अपराध नियन्त्रण तथा अनुसन्धान, नागरिकको सुरक्षा, विपद् उद्धार, सामाजिक सद्भाव र अमन चयनका लागि सामूहिक ऐक्यबद्धता कायम गर्न उक्त कार्यक्रम सुरु गरिएको जानकारी दिए ।