आर्सनललाई हराएर सिटी शीर्षमा

काठमाडौँ — म्यानचेस्टर सिटी आर्सनललाई उछिदै नोभेम्बरयता पहिलो पल्ट इंग्लिस प्रिमियर लिगको शीर्ष स्थानमा उक्लेको छ । सिटीले बुधबारको खेलमा यसअघि पहिलो स्थानमा रहेको आफ्नो प्रतिद्वन्द्वी आर्सनललाई ३–१ ले हरायो ।

लिगको यस सिजनको सबैभन्दा ठूलो र महत्त्वको खेलमा सिटीले दोस्रो हाफमा उत्कृष्ट प्रदर्शन गरेको थियो । केभिन डे ब्रुएनाले सिटीका लागि पहिलो गोल गरेयता आर्सनलका तर्फबाट बुकायो साकाले बराबरी गोल फर्काए ।