सत्यको पक्षमा छौँ, न्याय पाउँछौँ :   प्रकाशशरण महत

काठमाडौँ । नेपाली कांग्रेसका नेता डा.प्रकाशशरण महतले पार्टीभित्रको विवादमा आफूहरू सत्यको पक्षमा उभिएको भन्दै अदालतबाट न्याय पाउने बताएका छन् ।

पोखरामा बुधबार आयोजित कार्यक्रममा महतले कांग्रेसको विशेष महाधिवेशन र त्यसबाट आएको नेतृत्वसम्बन्धी विवादमा आफूहरूले न्यायिक पुनरावलोकनको बाटो रोजेको बताए । यसअघिको अदालतको फैसला त्रुटिपूर्ण रहेको र सर्वोच्च अदालतले पुनरावलोकनका लागि अनुमति दिएकाले आफूहरूको दाबी थप बलियो भएको उनको जिकिर छ।