अर्थ मन्त्रालय मातहतका दुई सहसचिवको सरुवा, तीन पद रिक्त

काठमाडौं – अर्थ मन्त्रालय मातहतका दुई सहसचिवको सरुवा भएको छ । मंगलबार बसेको मन्त्रिपरिषद् बैठकले त्रिभुवन अन्तर्राष्ट्रिय विमानस्थल भन्सार कार्यालयका सहसचिव रामकृष्ण पुडासैनी र महालेखा नियन्त्रक कार्यालयका सहमहालेखा नियन्त्रक तथा सहसचिव विष्णुप्रसाद ज्ञवालीको सरुवा गरेको हो ।

पुडासैनीलाई घोराही उपमहानगरपालिकाको प्रमुख प्रशासकीय अधिकृतको जिम्मेवारी दिइएको छ । यसअघि उनी त्रिभुवन अन्तर्राष्ट्रिय विमानस्थल भन्सार कार्यालयमा सहसचिवका रूपमा कार्यरत थिए ।