खेम सेन्चुरीको गीत विवादमा सहमति : विवादित शब्द र दृश्य हटाइने, शीर्षक परिवर्तन गरिने

काठमाडौँ । खेम सेन्चुरीको नयाँ गीत ‘बाहुन बाजे किन कसेको’ लाई लिएर भैरहेको विवादमा सहमति जुटेको छ । उजुरीकर्ता र सेन्चुरीबीच प्रहरीको साइबर ब्यूरोमा दुई दिनदेखि चलेको वार्तामा सहमति जुटेको हो ।

विवादित शब्दहरू गीतबाट हटाउने, पूजा गर्ने क्रममा ब्राम्हणले खाएको भागलाई ब्लर गर्ने र गीतको शीर्षक ‘बाहुन बाजे’ परिर्वत गर्ने लिखित सहमति जुटेको हो ।