क्यान्सर अस्पतालमा ‘किमो’ लगाउने बिरामीको चाप

बिपी कोइराला मेमोरियल क्यान्सर अस्पतालमा शय्या र जनशक्तिको अभाव भएपछि क्यान्सरका कोषिका मार्ने महत्त्वपूर्ण औषधि किमो लगाउन बिरामीले पाँच दिनसम्म पालो पर्खनुपर्ने अवस्था आएको छ।

अस्पतालमा दैनिक करिब ३०० बिरामी किमोका लागि सेवा लिन आउने भए पनि करिब २०० जनालाई मात्र किमो दिन सकिएको छ। किमोका लागि १५० शय्या छुट्याइएको छ। केही बिरामीलाई किमो दिएपछि छोटो समयमा घर पठाउन सकिने भएकाले त्यही शय्यामा अर्को बिरामीलाई किमो दिने गरिएको छ।