उच्च रक्तचाप : तपाईंले के जान्नुपर्छ त?

काठमाडौं - लामो समयसम्म रगतको चाप धेरै रहिरहने अवस्थालाई उच्च रक्तचाप भनिन्छ। उच्च रक्तचाप रहिरहनु स्वास्थ्यका लागि ज्यादै हानिकारक हुन्छ। यसबाट मुटु, रक्तकोशिका तथा अरु अंगहरुमा अनावश्यक तनाव पैदा हुन्छ।

आज सहरी क्षेत्रमा बसोबास गर्ने एक तिहाईभन्दा बढी वयस्क उच्च रक्तचापबाट पीडित छन्। उच्च रक्तचापले पक्षघात, ह्रदयघातका साथै मिर्गौला र आँखाहरु बिगार्ने खतरा हुन्छ। जीवनको बढ्दो उमेरसँगै यो रोगको खतरा पनि बढ्दै जाने गरेको छ।