डीभी लाेटरीकाे नतिजा आज, नपत्यानुहोस्- छानिएकाे जानकारी अमेरिकाले इमेलमा दिँदैन

सन् २०२३ का लागि आवेदन दिइएको डाइभर्सिटी भिसा (डीभी) को नतिजा आज राति प्रकाशित हुँदै छ । नेपाली समयअनुसार राति करिब ९ः४५ बजे डीभीकाे नतिजा आउने छ । रिजल्ट आगामी असोज १३ गतेसम्म हेर्न पाइने छ ।

अमेरिकी विदेश मन्त्रालयको आधिकारिक वेबसाइट मा गएर डीभी परे/नपरेकाे हेर्न सकिन्छ । नतिजा हेर्न आवेदन दिँदा उपलब्ध गराइएको कन्फर्मेसन नम्बर प्रयोग गर्नुपर्नेछ । छनोट हुने आवेदकलाई त्यसपछिको प्रक्रियाबारे जानकारी साेही साइटमा उपलब्ध हुने छ ।