उद्यमी महिलाका उत्पादन अन्तर्राष्ट्रिय बजारमा पुर्याउन ललितपुर महानगरको पहल

ललितपुर महानगरपालिकाले महानगरभित्रका उद्यमी महिलाले उत्पादन गरेका सामग्रीलाई अन्तर्राष्ट्रिय बजारसम्म पुर्‍याउने उद्देश्यले तीनदिने प्रदर्शनी मेला आयोजना गर्ने भएको छ ।

महानगरपालिकाको पुल्चोकस्थित कार्यालय परिसरमा असोज १६ गते शुक्रबारदेखि शुरू हुने प्रदर्शनी असोज १८ गते आइतबारसम्म सञ्चालन हुनेछ । मेला बिहान १० बजेदेखि साँझ ६:३० बजेसम्म खुला रहनेछ ।