सत्ता र प्रतिपक्षलाई संसद सञ्चालन गर्ने वातावरण बनाउन गम्भीर हुन सभामुख घिमिरेको सुझाव

धुलिखेल । सभामुख देवराज घिमिरेले कानूनले प्रतिबन्ध लगाएको बाहेक सबै सूचना उपलब्ध गराउन संसद् प्रतिबद्ध रहेको बताएका छन् । सङ्घीय संसद्द्वारा शुक्रबार आयोजित ‘संसद्–सञ्चार सम्बन्ध’ विषयक अन्तर्क्रियामामा उनले सूचनाको हक कति प्राप्त गर्ने भन्ने सीमालाई बुझ्न भने जरुरी रहेको धारणा राखे ।

सभामुख घिमिरेले भने, “संसद् सकेसम्म धेरै सूचना दिन प्रतिबद्ध छ । सञ्चारको माध्यमबाट संसद्लाई कसरी प्रभावकारी बनाउन लैजान सकिन्छ भन्नेमा प्रयत्न भइरहेको छ ।”