राप्रपा काठमाडौँ अधिवेशनमा अदालतको ‘ब्रेक’, निर्वाचन प्रक्रिया स्थगित

काठमाडौँ। उच्च अदालत पाटनले राष्ट्रिय प्रजातन्त्र पार्टी (राप्रपा)को काठमाडौं जिल्ला निर्वाचन प्रक्रियासम्बन्धी विवादमा अल्पकालीन अन्तरिम आदेश जारी गरेको छ।

बुधबार न्यायाधीश शिवबहादुर रानाभाटको एकल इजलासले निवेदकहरूले निर्वाचन प्रक्रियामा सहभागी हुन पाउने अधिकारबाट वञ्चित गरिएको दाबीसम्बन्धी निवेदनमा प्रारम्भिक सुनुवाइ गर्दै असोज २० गतेदेखि हुने भनिएको अधिवेशन लगायतका निर्वाचनसम्बन्धी सम्पूर्ण कार्य तत्कालका लागि स्थगित गर्न आदेश दिएको हो।