भूकम्पले सम्झाएका नीतिगत परकम्पहरू

हाम्रो देशमा भूकम्प आउँछ, जान्छ। बिर्सिइन्छ। २०७२ सालको महाभूकम्पले देशलाई धेरै कुरा सिकाउन चाहेको थियो। केही दिन सबैको मनमा त्यो पस्यो। आलो घाउ पुरिँदै जाँदा बिर्सने रोगले छोइहाल्यो। पूर्वतयारी र सजगतामा राज्यले जे–जेति हेक्का पुर्‍याउनुपथ्र्यो, हुन सकेन। त्यही कारण जाजरकोट केन्द्रबिन्दु भई शुक्रबार मध्यराति आएको ६.४ रेक्टरको भूकम्पले ठूलो जनधनको क्षति हुन पुग्यो।

भूगर्भविद्हरूले मुलुकमा ठूला भूकम्पका जोखिम औंल्याउँदै आएका छन्। पश्चिमी भूभाग अझ जोखिममा छ। त्यसलाई ध्यान यसकारण तत्काल दिनु आवश्यक छ, जसले गर्दा पुनः यस्ता घटनामा ठूलो क्षति बेहोर्नु नपरोस्।