१२ हजार रन पूरा गर्दै रोहित शर्माले बनाए अर्को कीर्तिमान

काठमाडाैं – भारतीय क्रिकेट टोलीका अनुभवी ब्याटर रोहित शर्माले एकदिवसीय अन्तर्राष्ट्रिय क्रिकेटमा अर्को ठूलो उपलब्धि हासिल गरेका छन् । वेस्ट इन्डिजविरुद्धको दोस्रो एकदिवसीय खेलमा रोहितले १२ हजार रन पूरा गर्नुका साथै करिअरको ३५औँ शतक प्रहार गरेका हुन् ।

गुवाहाटीमा बुधबार भएको खेलमा वेस्ट इन्डिजले दिएको ४०६ रनको विशाल लक्ष्य पछ्याउने क्रममा रोहितले ७२ बलमा शतक पूरा गरेका थिए । उनले ७५ बलमा १० चौका र ६ छक्कासहित १०१ रन बनाएर आउट भए ।