पश्चिमी देशले रुसलाई धोका दिएकाे पुटिनको आरोप

मस्को । रूसका राष्ट्रपति भ्लादिमिर पुटिनले पश्चिमी देशहरूले रुसलाई धोका दिएको आरोप लगाएका छन् । उनले वार्षिक प्रेस सम्मेलनमा युक्रेन युद्धबारे बोल्दै यो संघर्ष रूसले सुरु नगरेको दाबी गरे ।

बीबीसीको प्रश्नको जवाफ दिँदै पुटिनले भने, “हाम्रो सम्मान गरियो भने कुनै सैन्य कारबाही हुँदैन । हाम्रो सुरक्षा चासोलाई बेवास्ता गरियो।” उनले नाटोले पूर्वतर्फ विस्तार नगर्ने भने पनि पछि त्यसको उल्लङ्घन भएको बताए ।