आर्सनलसँगको दूरी घटाउँदै सिटी

लन्डन — पहिलो हाफमा भएको तीन गोलको मद्दतले म्यानचेस्टर सिटीले इंग्लिस प्रिमियर लिगमा एस्टन भिल्लालाई आइतबार ३–१ ले हराएको छ । योसँगै उसले शीर्ष स्थानमा रहेको आर्सनलसँगको दूरी पनि तीन अंकमा घटाएको छ ।

सिटीको २२ खेलबाट ४८ अंक भएको छ । उसको तुलनामा एक खेल कम खेलेको आर्सनलको ५१ अंक छ । भिल्लाविरुद्ध सिटीका लागि रोड्रि, इलकय गुन्डोगन र रियाद मेहराजले गोल गरे । ओली आटकिन्सनले भिल्लाका लागि एक गोल फर्काए ।