डेढ दर्जन विमानस्थल घाँसे मैदानमा परिणत

काठमाडौँ । राजनीतिक दलका नेताले भोट बटुल्ने लक्ष्यसहित मनोमानी ढंगले जथाभाबी हवाई पूर्वाधार बनाउँदा करिब डेढ दर्जन विमानस्थल घाँसे मैदानमा परिणत भएका छन् । यसमध्ये अधिकांश विमानस्थलले सञ्चालन खर्च नै जुटाउन नसकेर बन्द भएका हुन् भने केही प्राविधिक कारणले सञ्चालनमा रहिरहन नसकेका हुन् ।

सञ्चालनमा रहेका ३४ मध्ये पनि पहाडी क्षेत्रका सबैजसो विमानस्थलले सञ्चालन खर्च जुटाउनै मुस्किल परिरहेको छ । पहाडी क्षेत्रको न्यून जनसङ्ख्याका कारण हवाई यात्रु न्यून हुँदा सञ्चालन खर्च उठ्दैन । राज्यको स्रोतसाधनको भरपुर खर्चबाट अध्ययनविनै जथाभाबी करोडौँ लगानी खन्याउँदा विमानस्थलले सञ्चालन खर्च उठाउन नसकेका हुन् ।