हिंसात्मक घटनामा बालबालिकाको सुरक्षा सुनिश्चित गर्न सिजपको आग्रह

बालबालिका शान्तिक्षेत्र राष्ट्रिय अभियान (सिजप) ले सुनसरी, सिरहालगायत तराईका विभिन्न जिल्लामा भएका हिंसात्मक घटनाप्रति गहिरो दुःख र चिन्ता व्यक्त गर्दै बालबालिकाको सुरक्षा सुनिश्चित गर्न सरकार तथा सबै सरोकारवालासँग आग्रह गरेको छ।

बिहीबार जारी विज्ञप्तिमा अभियानले सिराहामा भएको झडपका क्रममा अन्दाजी १८ वर्षीय एक बालकको गोली लागेर मृत्यु भएको घटनाप्रति दुःख व्यक्त गर्दै विभिन्न जिल्लामा हिंसामा ज्यान गुमाएकाहरूप्रति श्रद्धाञ्जली अर्पण गरेको छ। साथै शोकसन्तप्त परिवारप्रति समवेदना व्यक्त गर्दै घाइतेहरूको शीघ्र स्वास्थ्यलाभको कामना गरेको छ।