पाकिस्तानको सैन्य कारबाहीमा अफगानिस्तानमा २९ आतंकवादी मारिएको दाबी

काठमाडौं । पाकिस्तानले अफगानिस्तानभित्र सैन्य कारबाही सञ्चालन गर्दै २९ जना आतंकवादी मारिएको दाबी गरेको छ । पाकिस्तान सरकारले आइतबार र सोमबारको मध्यरातमा गुप्तचर सूचनाका आधारमा उक्त कारबाही गरिएको जनाएको छ ।

पाकिस्तानका सूचना तथा प्रसारणमन्त्री अत्ताउल्लाह तरारले सामाजिक सञ्जालमार्फत जारी गरेको वक्तव्यमा पाकिस्तानी सेनाले ड्युरान्ड लाइन (सीमाक्षेत्र) नजिक सुनियोजित स्थलगत कारबाही सञ्चालन गरेको बताएका छन् । उनले त्यसपछि सीमा आसपास सक्रिय प्रतिबन्धित समूह जमात–उल–अहरार र तहरीक–ए–तालिबान पाकिस्तान (टीटीपी)का ठेगाना तथा सुरक्षित क्याम्पहरूलाई लक्षित गर्दै हवाई आक्रमण गरिएको बताए ।