सिडेनको अध्यक्षमा गोपालको स्वतन्त्र उम्मेदवारी

काठमाडौं । नेपाली कांग्रेस निकट इन्जिनियरहरूको संस्था सेन्टर फर डेमोक्रेटिक इन्जिनियर्स (सिडेन)मा गोपाल प्रसाद निउरेले स्वतन्त्र उम्मेदावरी दिएका छन् । शनिबार भएको उम्मेदवारी दर्तामा सिडेनको भावी अध्यक्षका लागि चार जनाको उम्मेदवारी परेको छ ।

तीन जना माउ पार्टी कांग्रेसभित्रको गुटगत प्रतिनिधिका रुपमा मैदानमा उत्रिँदा निउरेको स्वतन्त्र उम्मेदवारी परेको हो । सिडेनभित्रको गुटबन्दी र सिन्डिकेटविरुद्ध आफूले स्वतन्त्र उम्मेदवारी दिएका निउरेले बताए । इन्जिनियर चेतनाथ पाण्डे, लक्ष्मण केसी र प्रमोद दवाडी प्यानलसहित चुनावी मैदानमा उत्रिएका छन् ।