केन्द्रीयसहित देशभरका ६४ पार्टी कार्यालयमा तोडफोड र आगजनी : एमाले

काठमाडौं । भदौ २३ र २४ गतेको आन्दोलनका क्रममा केन्द्रीयसहित ६४ पार्टी कार्यालयमा तोडफोड र आगजनी भएको नेकपा एमालेले जनाएको छ । बुधबार केन्द्रीय कार्यालय च्यासलमा बसेको बैठकले पार्टी कार्यालयहरू तथा पार्टीका नेता–कार्यकर्ताको निजी घर र व्यवसायमा भएको क्षतिसम्बन्धी प्राप्त प्रारम्भिक विवरणको समीक्षा गरेको हो ।

प्रारम्भिक विवरणअनुसार, पार्टीका नेता र कार्यकर्ताका १५८ भन्दा बढी घर तथा व्यवसायमा क्षति पुगेको छ । क्षति भएका अधिकांश कार्यालयको सरसफाइ र मर्मत–सम्भारको काम सुरु भइसकेको छ ।