भिल्लारियालसँग रियल स्तब्ध

मड्रिड । भिल्लारियालसँग पराजित हुँदै रियल मड्रिडले स्पेनिस ला लिगाको शीर्ष स्थानमा उक्लने अवसर गुमाएको छ । यो सिजन रियलको दोस्रो हार हो ।

येरेमी पिनोले दोस्रो हाफको सुरुवातमा नै भिल्लारियाललाई अग्रता दिलाएका थिए । तर, विवादास्पद पेनाल्टीको माध्यमले करिम बेन्जेमाले खेल बराबरी गरे । लगत्तै डेभिड आलाबाले ह्याण्ड बल गरेपछि जेरार्ड मोरेनोले पेनाल्टीबाट गोल गर्दै भिल्लारियाललाई पुनः अग्रता दिलाए । त्यसपछि भने कुनै गोल हुन सकेन र भिल्लारियालले खेल २–१ ले आफ्नो पक्षमा पार्न सफल भयो ।