किचकबधमा नवौँ चरणको उत्खनन सुरु

झापा । भद्रपुर नगरपालिका–३ स्थित ‘किचकबध’स्थलमा पुरातत्त्व विभागको टोलीले नवौँ चरणको उत्खनन सुरु गरेको छ । पुरातत्त्व विभागबाट आएको दुई सदस्यीय टोलीले स्थानीयको सहयोगमा किचकबध स्थलमा उत्खनन सुरु गरेको हो ।

महाभारतकालीन विराट राजाको सालो किचकको दरबार रहेको विश्वास गरिएको उक्त स्थानमा यही जेठ ८ गतेदेखि नवौँ चरणको उत्खनन गरिएको पुरातत्त्वविद् उद्धव आचार्यले बताए । उनको नेतृत्वमा विभागको टोली उत्खननमा खटिएको छ ।