डेढ दशकपछि चलचित्रमा फर्किइन् विपना थापा

काठमाडौं । विवाहपछि घरजममा लागेकी अभिनेत्री विपना थापा डेढ दशकपछि चलचित्र अभिनयमा फर्किएकी छन् । उनी चलचित्र ‘ह्रस्वदीर्घ’मा नायिकाका रूपमा अनुबन्धित भएकी हुन् ।

पछिल्ला चलचित्र ‘संघर्ष जिन्दगीको’पछि उनले चलचित्रमा काम गरेकी थिइनन् । यो चलचित्र निर्माण भएको डेढ दशक भए पनि १४ वर्षअघि रिलिज भएको थियो । भारतीय नागरिकसँग विवाह गरेकी विपना विवाहपछि श्रीमान्सँग कोलकातामा बस्दै आएकी थिइन् ।